Tuesday, March 19, 2019

சிசுபாலாசனம்-sisupalasana.

               சிசுபாலாசனம் என்றால் குழந்தையை தாலாட்டும் முறையில் இருப்பது என்று பொருள்.
               கால்கள், தொடைகள், இடுப்பு, முதுகு,தோள் பட்டை முதலிய உறுப்புகள் வலுப்பெற மிகச் சிறந்த ஆசனம்.


செய்முறை :- இனி இதை எவ்வறு பயிற்சி செய்வது என்பதைப் பார்ப்போம்.

               கால்கள் இரண்டையும் நேராக நீட்டவும். நிமிர்ந்து நேராக உட்காரவும்.
               பிறகு வலது காலை மடக்கி வலது கையால் தூக்கவும். பின் இருகைகளையும் கோர்த்தபடி ஒரு குழந்தையை தாங்கிப்பிடிப்பது போல் தாங்கிப்பிடிக்கவும்.



                இதே நிலையில் இருந்து குழந்தையை தாலாட்டுவதுபோல் இடம் வலமாக இடுப்பை லேசாக திருப்பித்திருப்பி மெதுவாக காலை அசைத்துக்கொடுக்கவும்.
               பின் மெதுவாக காலை இறக்கி நேராக நீட்டவும். பிறகு இடதுகாலை மடக்கி வலது கையால் தூக்கி இருகைகளையும் கோர்த்து பிடித்து முன்போல இடம் வலமாக இடுப்பை லேசாக திருப்பி குழந்தையை தாலாட்டுவதைபோல அசைக்கவும்.


               இவ்வாறு இருகால்களையும் மாற்றி மாற்றி ஒவ்வொரு காலிற்கும் ஐந்தைந்து தடவை பயிற்சி எடுக்கவும்.




               இதே பயிற்சியை காலை நேராக நீட்டுவதற்குப் பதிலாக மேலே உள்ள படத்தில் காட்டியுள்ளபடி காலை மடக்கி வைத்தபடியும் செய்யலாம்.




தீரும் நோய்கள் :-
                                      கால்கள், தொடைகள் மற்றும் இடுப்பு நன்கு பலம்பெறும். கைகள், தோள் பட்டை, முதுகு நன்கு வலுப்பெறும்.

No comments:

Post a Comment

நல்ல வார்த்தையா நாலு வார்த்தை சொல்லிட்டு போங்களேன் ...