Sunday, April 14, 2019

அர்த்த புஜங்காசனம் - ardha bhujangasana.

               சுவாசக்கோளாறு, மற்றும் மார்பு சம்பந்தப்பட்ட அனைத்து பிரச்சனைகளையும் சீர் செய்யும் எளிமையான அற்புத ஆசனம் இது எனலாம். செய்வதற்கும் மிக மிக எளிது. இதை எவ்வாறு பயிற்சி செய்வது என்பதனை இப்போது பார்ப்போம்.



செய்முறை :- முதலில் ஒரு விரிப்பில் இரு கால்களையும் ஒன்று சேர்ந்தாற்போல நேராக நீட்டி குப்புற படுக்கவும். இருகைகளையும் தோள்பட்டைக்கு இணையாக கிடைமட்டமாக வைக்கவும்.

 
              பின் இரு கைகளின் உள்ளங்கைகளையும் தலையின் அருகில் இரு பக்கங்களிலும் ஊன்றி கழுத்தை நிமிர்த்தி தலையை மெதுவாக மேலே தூக்கவும். இடுப்பிலிருந்து தலைவரை உடல் மேலெழும்பியபடி இருக்கவேண்டும்.

 
               இரு கைகளும் '' ட''  வடிவத்தில் இருக்க வேண்டும். இரு கால்களின் மேல் பாதங்களும் தரையில் படர்ந்தபடி இருக்க வேண்டும். இந்த ஆசனத்தில் 15 முதல் 20 வினாடிகள் இருந்து பழைய நிலைக்கு திரும்பவும். இந்த ஆசனத்தை 5 அல்லது 6 தடவை பயிற்சி செய்யவும்.


பயன்கள் :- இது முதுகெலும்பையும், தோள்பட்டையையும் வலுவாக்கும். மார்பு மற்றும் வயிறு பலம் பெறும். சுவாசக்கோளாறுகளை சரி செய்யும். மலச்சிக்கல் விலகும்.
               மாதவிடாய் கோளாறுகள் நீங்கும். சிறிய இடையை விரும்பும் பெண்கள் அவசியம் செய்ய வேண்டிய ஆசனம் இது.
               நோயற்ற ஆரோக்கிய வாழ்க்கையை விரும்புபவர்கள் தினந்தோறும் காலை அல்லது மாலை அல்லது இருவேளைகளும் சிலவகையான ஆசனங்களை தேர்ந்தெடுத்து அவற்றை தொடர்ந்து பயிற்சி செய்து வரலாம். ஒவ்வொரு தடவையும் ஆசனப் பயிற்சியை நிறைவு செய்யும்போது கடைசி ஆசனமாக ''சவாசனம்''  கண்டிப்பாக செய்ய வேண்டும் என்பதனை கவனத்தில் கொள்ளவும்.

2 comments:

நல்ல வார்த்தையா நாலு வார்த்தை சொல்லிட்டு போங்களேன் ...