General knowledge.

உலகில் வாழும் பிற அனைத்து வகையான உயிரினங்களோடும் ஒப்பிடும்போது மனிதன் மட்டுமே இவ்வுலகிலுள்ள அனைத்து இயற்கை வளங்களையும் அனுபவிக்கும் தன்மையுடையவனாக இருக்கின்றான்.

அவ்வாறு பயன்படுத்தும் இயற்கை வளங்களில் முக்கியமாக குறிப்பிட்டு சொல்வதென்றால் பலவித தாதுப்பொருட்களையும், உலோகங்களையும் குறிப்பிடலாம். எனவே இவைகளைப்பற்றிய கூடுதல் விஷயங்களை அறிந்திருக்க வேண்டியது காலத்தின் கட்டாயம்... எனவே வாருங்கள் தெரிந்துகொள்வோம்.

அறிந்து கொள்ளுங்கள்.

உலகில் அதிகமாக தங்கம் வெட்டி எடுக்கும் நாடு - தென் ஆப்பிரிக்கா.

சலவை சோடாவின் வேதி பெயர் - சோடியம் கார்பனேட்.

மிகவும் லேசான அடர்த்தி குறைந்த திண்ம நிலை உலோகத் தனிமம் - லித்தியம்.

தங்கத்தை கரைக்கும் திறன் கொண்ட அமிலம் - இராஜ திராவகம். ( இது 1 பங்கு நைட்ரிக் அமிலமும், 3 பங்கு ஹைட்ரோகுளோரிக் அமிலமும் கலந்த கலவை ).

வெள்ளியின் உருகு நிலை - 961 டிகிரி செல்ஸியஸ்.

உலோகம் போன்ற பளபளப்பைக் கொண்ட மின்சாரம் கடத்தும் அலோகம் - கிராபைட்.

"சிலி சால்ட் பீட்டர்" எனப்படுவது - சோடியம் நைட்ரேட் .

கந்தகத்தின் உருகுநிலை வெப்பம் எவ்வளவு - 113 டிகிரி செல்சியஸ்.

நம் உடலில் மெக்னீசிய சத்துவின் பங்கு என்ன - எலும்புகள், பற்கள் உறுதிக்கு.

தங்கத்தை விட விலை அதிகமுள்ள, அதே வேளையில் தங்கத்தை விட 30 மடங்கு அரிதாக கிடைக்கும் உலோகம் - பிளாட்டினம்.

பிளாட்டினம் அதிகம் உற்பத்தி செய்யும் நாடு எது - தென் ஆப்பிரிக்கா.

உலோகங்கள் ஒளியை தன் வழியாக செல்ல அனுமதிப்பதில்லை. ஆனால் தங்கம் மிக மெல்லிய தகடாக இருக்கும் போது எந்த ஒளியை தன் வழியாக ஊடுருவ அனுமதிக்கும் - பச்சை நிறம்.