Tuesday, April 02, 2019

கட்டு விரியன் பாம்பு - Krait snake.


விலங்கியல் பெயர் :-Bungarus Caeruleus. மற்றும் Bungarus fasciatus.

தாயகம் :-   இந்திய துணை கண்டங்கள்.[பாகிஸ்தான், இந்தியா, இலங்கை.] மற்றும் தென் கிழக்கு ஆசியா.

வரிசை :-Squamata

குடும்பம் :- Elapidae. [எலாப்பிடே]

இனம் :- Bungarus caeruleus

பேரினம் :- Bungarus.


               கொடிய விஷம் உள்ள பாம்புகளின் வரிசையில் விரியன் பாம்புகளுக்கும் முக்கியமான இடம் உண்டு. விரியன் பாம்புகளில் கட்டு விரியன், சுருட்டை விரியன், கண்ணாடி விரியன் என பலவகைகள் இருக்கின்றன. இப்பதிவில் ''கட்டுவிரியன்'' பாம்பை பற்றி மட்டும் விரிவாக காண்போம்.



பெயர்க்காரணம் :- (கட்டு - கட்டு போட்டது போன்ற வளையம்).
               இப்பாம்பின் உடம்பில் வரிசையாக வெள்ளை அல்லது மஞ்சள் நிறத்தில் கட்டு போட்டுள்ளது போன்று வளையங்கள் இருப்பதால் இதற்கு ''கட்டுவிரியன்'' என்று பெயர். கட்டுவிரியன் பாம்பின் விஷம் நல்ல பாம்பின் விஷத்தைவிட பதினாறு மடங்கு அதிக வீரியம் உள்ளது.
               தமிழில் இதை பொதுவாக கட்டுவிரியன் என்று அழைத்தாலும் வளையங்களின் நிறத்தைப் பொறுத்து இதை இரு பிரிவுகளாக பிரிக்கின்றனர். வெள்ளை - கருப்பு நிற வளையங்களை கொண்ட விரியன் பாம்பை Common Indian Krait. என்றும், மஞ்சள் - கருப்பு நிற வளையங்களை கொண்ட விரியன் பாம்பை Banded Krait என்றும் பெயரிட்டு அழைக்கின்றனர்.





                இனி Common Indian Krait மற்றும் Banded Krait பற்றி தனித்தனியாக பார்ப்போம்.
 
Common Indian Krait

 விலங்கியல் பெயர் :-Bungarus Caeruleus.

தாயகம் :-   இந்திய துணை கண்டங்கள்.[பாகிஸ்தான், இந்தியா, இலங்கை.] 

வரிசை :-Squamata

குடும்பம் :- Elapidae. [எலாப்பிடே]

இனம் :- Bungarus caeruleus

பேரினம் :- Bungarus. [பங்காரசு]

வேறு பெயர்கள் :- இதற்கு கட்டு விரியன், எண்ணெய் விரியன், எட்டடி விரியன், பனை விரியன், சங்கு வரையன் என பல பெயர்கள் உண்டு.



உடலமைப்பு :- இது கருநீலம் கலந்த சாம்பல் அல்லது நீலம் கலந்த சாம்பல் நிறத்தில் இருக்கும். 3 அடி முதல் 4 அடி நீளம் வரை வளரும் இயல்புடையது. இதன் உடலில் கருப்பு மற்றும் வெண்மை நிறங்களில் வரிசையாக நிறைய வளையங்கள் காணப்படுகின்றன. கழுத்தைவிட கொஞ்சம் பெரியதான முக்கோணவடிவ தலையினை கொண்டுள்ளது. இதன் முதுகுப்பகுதி நெடுகிலும் அறுகோண வடிவிலான செதில்களை கொண்டிருக்கும். ஆண் பாம்பு பெண் பாம்பைவிட பெரியதாகவும் நீளமான வாலினை கொண்டதாகவும் இருக்கும்.



வாழிடம் :-  வயல்வெளிகள், நீர்நிலைகள், கரையான் புற்று, எலிவளை, பாழடைந்த பகுதிகள்.

உணவு முறை :- இவைகள் பெரும்பாலும் இரவில்தான் உணவை வேட்டையாடுகின்றன. சிறிய வகை பாம்புகள், பல்லி, எலி, அரணை, தவளை மற்றும் சிறு வகை பாலூட்டிகள் இவைகள்தான் இவைகளின் முக்கிய உணவுகள். சில நேரங்களில் இவைகள் தங்களின் குட்டிகளையே பிடித்து உண்ணும்.

இயல்பு :- இது மிகவும் ஆபத்தான குணநலன்களை கொண்டது. பகல் நேரங்களில் ஓய்வு எடுக்கும், இரவு நேரங்களில் உணவு தேடும் தன்மை கொண்டது.



விஷத்தின் தன்மை :-
                                             ''விதி முடிந்தவனைத்தான் விரியன் கடிக்கும்'' என்று  ஒரு பழமொழி உண்டு. அந்த அளவிற்கு இப்பாம்பு கொடிய நஞ்சினைக் கொண்டது. இப்பாம்பின் விஷம் நேரடியாக நரம்புமண்டலத்தில் பாதிப்பை ஏற்படுத்துகிறது. நுரையீரலையும், இருதயத்தையும் பாதித்து மூச்சு மண்டலத்தை செயலிழக்க செய்யும் திறன் கொண்டது. இதன் விஷத்தால் தசைகள் செயலிழந்து போகும். பாம்பு கடித்த இரண்டு மணி நேரத்திற்குள் சிகிச்சை எடுக்க வேண்டும். சிகிச்சை எடுக்க தாமதித்தால் மரணம் தாமதிக்காது என்பது உறுதி.

Banded Krait


 விலங்கியல் பெயர் :-Bungarus fasciatus. [பங்காரசு வாசியேட்டசு]

தாயகம் :-  தென்கிழக்கு ஆசியா. [இந்திய - சீன பகுதிகள், வடகிழக்கு இந்தியா, தாய்லாந்து, மியான்மர், கம்போடியா, வியட்நாம், சிங்கப்பூர், சுமத்திரா].



வரிசை :-Squamata.

துணை வரிசை :- Serpentes.

குடும்பம் :- Elapidae. [எலாப்பிடே]

இனம் :- Bungarus fasciatus.

பேரினம் :- Bungarus. [பங்காரசு]

 உடலமைப்பு :- இதன் உடல் மென்மையானது. பளபளப்பானது மேலும் குறுகிய வாலை உடையது . இதன் தலை அகலமானதாக இருக்கும். இதன் உடலில் கருப்பு மற்றும் மஞ்சள் நிற பட்டை வடிவ வளையங்கள் வரிசையாக காணப்படுகின்றன. இவை ஆபத்து நேரங்களில் உடலை பந்துபோல் சுருட்டிக்கொள்ளும். ஆனால் பலநேரங்களில் எதிர்தாக்குதல் நடத்தும்.



வாழிடம்  :- பொதுவாக காடுகளில் வாழ்கின்றன. விளைநிலங்களிலும் தென்படுகின்றன. எலி வளை, கரையான்புற்று இவைகளிலும் மறைந்து வாழ்கின்றன.



உணவுமுறை :- இது பெரும்பாலும் பிற பாம்புகளையும், பாம்பு முட்டைகளையுமே உணவாக உட்க்கொள்கின்றன.



               சிலநேரங்களில் மீன்கள், தவளைகள் மற்றும் சிறியவகை உயிரினங்களையும் உட்க்கொள்கின்றன.

விஷத்தின் தன்மை :- இதன் விஷம் நரம்புமண்டலத்தை தாக்கி அழிக்கக்கூடியது. இது தீண்டியவுடன் சிகிச்சை மேற்கொள்ளவேண்டும். தவறினால் 6 முதல் 8 மணி நேரத்திற்குள் மரணம் நிச்சயம்.

2 comments:

நல்ல வார்த்தையா நாலு வார்த்தை சொல்லிட்டு போங்களேன் ...