Monday, June 03, 2019

புதன் - பயோடேட்டா - Mercury bio data.

பெயர் காரணம் :- மேலை நாடுகளின் இறைவழிபாட்டின்படி ரோமானிய கடவுளின் தூதுவராக வணங்கப்படுபவர் ''மெர்குரி''(Mercury) எனவே அவரை சிறப்பிக்கும் விதமாக இதற்கு ''மெர்குரி'' என்று பெயரிடப்பட்டுள்ளது.

               அதே வேளையில் இந்திய இறைவழிபாட்டின்படி அறிவுக்கு காரணமாக இருப்பது ''புதன்'' என்னும் கடவுள். எனவே நாம் புதன் என்று பெயர்சூட்டி மகிழ்கிறோம்.

புதனின் சிறப்பு - சூரிய குடும்ப வரிசையில் சூரியனுக்கு மிக அருகில் உள்ள முதல் கோள் இதுவே. மேலும் மிக சிறிய கோளும் இதுவே. இது பாறைகளால் ஆனது. மேற்புற நடுப்பகுதி அதிக வெப்பமாகவும், துருவப் பகுதி பனியாலும் சூழப்பட்டுள்ளது இதன் சிறப்பு. 


தன்மை - திட நிலை.

சூரியனிடமிருந்து தொலைவு  - 47,000,000 கி . மீட்டரிலிருந்து அதிகபட்சமாக 70,000,000 கி . மீட்டர் தொலைவு வரையில் நீள் வட்ட பாதையில் சுற்றி வருகிறது. இதை 0.39 வானவியல் அலகு என்று குறிக்கின்றனர். (1 வானவியல் அலகு என்பது சூரியனுக்கும் பூமிக்கும் உள்ள இடைவெளி தூரம்).

சூரிய ஒளி புதனை வந்தடையும் கால அளவு  -  3.2 நிமிடங்கள்.

சூரிய ஒளியின் அளவு :- பூமியில் உள்ளதைவிட 11 மடங்கு அதிக ஒளியை பெறுகிறது. ஆனால் புதனின் மேற்பரப்பில் கருமைநிறமான,கரடுமுரடான பாறைகள் நிறைந்திருப்பதால் அதிக அளவில் ஒளியை பிரதிபலிப்பதில்லை.


சூரியனை சுற்றும் வேகம் 1 செகண்டிற்கு 47. 362 k .m. 1 மணி நேரத்தில் 170,503 கி . மீட்டர் (ஒரு லட்சத்து ஏழுபதாயிரத்து ஐநூற்று மூன்று) கடந்து செல்லும்..... (அம்மாடியோவ்!..ஒரு நபர் பைக்கில் மணிக்கு 100 கி . மீட்டர் வேகத்தில் சென்றாலே தலை தெறிக்கும் வேகம் என்கிறோம்... அப்படியென்றால் இதை எந்த லிஸ்டில் சேர்ப்பது?) .. சூரிய குடும்பத்தில் ஏனைய கோள்களை விட இதுவே அதிக வேகத்தில் பயணிக்கிறது.

சூரியனுக்கும் புதனுக்கும் உள்ள தூரம் - 57. 91 மில்லியன் கி.மீ.

சூரியனை சுற்றும் கால அளவு - 88 நாட்கள்.

தன்னைத்தானே சுற்றும் கால அளவு  - 59 நாட்கள்.

தன்னைத்தானே சுழலும் திசை  - வலமிருந்து இடம் (மேற்கிலிருந்து கிழக்கு)

நடுக்கோட்டில் பகல் நேர வெப்பநிலை - 427 ⁰C [800 ⁰F].

நடுக்கோட்டில் இரவு நேர வெப்பநிலை -  -173 ⁰C [-280 ⁰F].

துருவங்களில் வெப்பநிலை -93 ⁰C [-136 ⁰F].

விடுபடு திசைவேகம் - 15,300 Km /h .

சூரியனிடமிருந்து புதனின் கோண பிரிகை - 28.3⁰


புதனின் சராசரி ஆரம்   - 2440 கி . மீ.  [நம் நிலவைவிட சிறிதளவு பெரியது. பூமியுடன் ஒப்பிடும்பொழுது பூமியின் அளவில் 3 ல் 1 பங்கில் சற்று அதிகம்].

புதனின் விட்டம் - 4849 கி .மீ . (2980 மைல்).

சுழல் அச்சு சாய்வு கோணம் - 2 டிகிரி.

காந்த மண்டலம் - பூமியின் காந்தமண்டலத்துடன் ஒப்பிடும் போது 3 ல் 1 பங்கு.

காந்தப்புல வலிமை - 300 நானோ டெஸ்லா.

புதனின் எடை  - 330,104,000,000,000,000,000,000 Kg.

கன அளவு - 60,827,208,742 Km³
 
புதனின் சராசரி அடர்த்தி  - 5.427g /cm³.

மேற்பரப்பு  - 74,797,000 Km².

 

மேற்பரப்பு ஈர்ப்பு விசை - 3.7 m/s ²

துணைக்கோள் - இல்லை.

புதனில் அடங்கியுள்ள பொருட்கள் - பெருமளவில் இரும்பு உள்ளது , மேலும்   சோடியம், பொட்டாசியம், கந்தகம் உள்ளன.


வளிமண்டலம் - இக்கோளிற்கு பூமியை போன்ற பரந்த வளிமண்டலம் இல்லையென்றாலும் மெல்லிய வலிமை குறைந்த வளிமண்டலம் உள்ளது. இதில் சோடியம், நீர்ம வாயு, ஹீலியம், பொட்டாசியம், ஆர்கான், செனான், கிரிப்டான் மற்றும் நியான் முதலியன கலந்துள்ளன.

புதனின்  புரியாத புதிர் - வெப்பம் மிகுந்த சூரியனின் அருகில் இருந்தும் இதில் உள்ள ஆழமான பள்ளங்கள் மற்றும் துருவப் பகுதிகளில் பனிக்கட்டி உறைந்து இருப்பதும், எளிதில் ஆவியாகக் கூடிய கந்தகம் மற்றும் பொட்டாசியம் மிக அதிக அளவில் காணப்படுவதும் புரியாத புதிர்.


               பனிக்கட்டிகளின் மேல் ஒருவிதமான ஆர்கானியப் பொருள் கவசம்போல் படர்ந்து பனிக்கட்டி உருகாமல் பாதுகாப்பதை தற்போது கண்டறிந்துள்ளார்கள்.

 உயிரின  வாழ்க்கை - புதனில் உயிரினங்கள் வாழ்வதற்கான சாத்தியக்  கூறுகள் இல்லை என்றே கூறவேண்டும். காரணம் இங்கு நிலவும் அதிக வெப்பம் மற்றும் அதிக குளிர்.

 

4 comments:

  1. சுவாரஸ்யமான தகவல்கள்.

    ReplyDelete
  2. நிறைய தகவல்கள் நன்றி நண்பரே

    ReplyDelete
    Replies
    1. KILLERGEE Devakottai...Thanks sir!..தங்கள் கருத்தூட்டத்திற்கு நன்றி கலந்த மகிழ்ச்சி!

      Delete

நல்ல வார்த்தையா நாலு வார்த்தை சொல்லிட்டு போங்களேன் ...