Wednesday, October 16, 2019

விலங்குகளும் பழமொழிகளும் - Animals and proverbs in tamil.

               மனித வாழ்வியலுக்கு தேவையான அரியக்கருத்துக்களை எளிதாக பிறருக்கு உணர்த்தவும், எளிதில் நினைவில் கொள்வதற்கும் நம் முன்னோர்கள்  நாட்டுப்புற பாடல்கள் வாயிலாகவும் , பொன்மொழிகள் என்னும் பழமொழிகள் வாயிலாகவும் ஆழமாக விதைத்து சென்றுள்ளனர்.

               பல வகையான பறவைகளை மேற்கோள் காட்டி மனித வாழ்விற்கு தேவையான அறியவிஷயங்களை உள்ளடக்கிய பழமொழிகளை பறவைகளும் பழமொழிகளும் - birds and proverbs. என்ற பதிவில் முன்பு பார்த்தோம். இப்பதிவில் பலவகையான விலங்குகளை மேற்கோள் காட்டி பகிரப்பட்டுள்ள பழமொழிகளைக் காண்போம்.
  • உழுகிறவன் இளப்பமானால் எருது மச்சான் முறை கொண்டாடுமாம்.



  • வயல் அறுப்பு காலத்தில் நம்ம எலியாருக்கு அஞ்சு பெண்சாதிங்கோ.
  • நாய் விற்ற காசு குரைக்குமா?
  • அழிந்த கொல்லையில் குதிரை மேய்ந்தால் என்ன? . கழுதை மேய்ந்தால் என்ன?
  • பார்த்தால் பூனை பாய்ந்தால் புலி.
  • உழைத்து வாழாதவன் வாழ்க்கை கழுதை புரண்டெழுந்த நிலம்.
  • கழுதைக்கு தெரியுமா கற்பூர வாசனை.
  • தானம் கொடுத்த மாட்டை பல்லை பிடித்து பார்க்காதே.
  • நாற்பதுக்கும் மேலே நாய்க்குணம்.
  • புலி பதுங்குவது பாய்ச்சலுக்கு அடையாளம்.
  • நுணலும் (தவளை) தன் வாயால் கெடும்.


  • குதிரையின் குணம் அறிந்தல்லோ தம்புரான் கொம்பு கொடுக்கவில்லை.
  • பிள்ளை பெறும் முன் பெயர் வைக்காதே, எருமை வாங்கும் முன் நெய் விலை பேசாதே
  • காரியமாகும் வரையில் கழுதையானாலும் காலைப்பிடி.
  • பன்றிக்கு பின் போகுற கன்றும் கெட்டுத்தான் போகும்.
  • குடல் காய்ந்தால் குதிரையும் வைக்கோல் தின்னும்.
  • பாலுக்கும் காவல், பூனைக்கும் தோழன்.
  • பனங்காட்டு நரி சலசலப்புக்கு அஞ்சுமா?
  • குரைக்கிற நாய் வேட்டைக்கு உதவாது.
  • நரிக்கு கொண்டாட்டம், நண்டுக்கு திண்டாட்டம்.
  • ஆனைக்கும் அடி சறுக்கும்.
  • ஆனைக்கு ஒரு காலம் வந்தா பூனைக்கும் ஒரு காலம் வரும்.
  • யானை வரும் பின்னே மணி ஓசை வரும் முன்னே. வாழ்வு வரும் பின்னே மதிகெட்டு வரும் முன்னே.
  • முதலையும் மூர்க்கனும் கொண்டது விடா.
  • யானை இருந்தாலும் ஆயிரம் பொன். இறந்தாலும் ஆயிரம் பொன்.
  • எலி இருக்கிற இடத்தில் பாம்பும் இருக்கும்.
  • நாயை கண்டால் கல்லைக் காணோம் கல்லைக் கண்டால் நாயைக் காணோம்.


  • நரிக்கு இடம் கொடுத்தால் கிடைக்கு ரெண்டு ஆடு கேட்கும்.
  • புலிக்கு பிறந்தது பூனையாகுமா?
  • எறும்பு ஊர கல்லும் தேயும் .
  • காசுக்கு ஒரு குதிரையும் வேண்டும், அது காற்றைப் போல பறக்கவும் வேண்டும்.
  • உண்டு கொழுத்தால் நண்டு வளையில் தங்காது.
  • பாம்புக்கு பால் வார்த்தாலும் திருப்பி நஞ்சுதான் தரும்.
  • எள்ளு எண்ணைக்கு காய்கிறது, எலிப்புழுக்கை ஏன் கூடவே காய்கிறது?
  • எலி அழுதாலும் பூனை விடுமா?
  • ஆடு நனைகிறது என்று ஓநாய் அழுததாம் .
  • எலி வளையானாலும் தனி வளை வேண்டும்.
  • அருமையற்றவன் வீட்டில் எருமையும் குடியிருக்காது.
⛄⛄⛄⛄⛄⛄⛄⛄⛄⛄

2 comments:

  1. ரசிக்க வைத்தன...

    //குடல் காய்ந்தால் குதிரையும் வைக்கோல் தின்னும்//

    இதை வேறு வகையில் கேட்டு இருக்கிறேன்.

    ReplyDelete
    Replies
    1. நன்றி !!!

      //குடல் காய்ந்தால் குதிரையும் வைக்கோல் தின்னும்//

      இதை வேறு வகையில் கேட்டு இருக்கிறேன்.... ??? எந்த வகையில் ... எதாவது வில்லங்கமாக இருக்குமோ????

      Delete

நல்ல வார்த்தையா நாலு வார்த்தை சொல்லிட்டு போங்களேன் ...