Wednesday, April 10, 2019

மாம்பா பாம்பு வகைகள் - type of mamba Snake

மாம்பா. [Mamba]

அறிவியல் பெயர் :- Dendroaspis polylepis.

பேரினம் :- dendroaspis.

குடும்பம் :- எலாப்பிடே.



தாயகம் :- ஆப்பிரிக்கா.

வகைகள் :- கருப்பு மாம்பா, பச்சை மாம்பா...

 கருப்பு மாம்பா - Black mamba.

இயல்பு :- கொத்துவது அன்றி வேறொன்றும் அறியேன் பராபரமே ....

வசிக்கும் இடங்கள் :- ஆப்பிரிக்காவின் கிழக்குப் பகுதியிலும், தெற்குப் பகுதியிலும் அதிகமாக காணப்படுகிறது.......

                அப்பாடா ...நாம தப்பிச்சோம்டா .. சாமி ....



 உடலமைப்பு :- சாம்பல் நிற உடலமைப்பை கொண்டது. 3 முதல் 4 மீட்டர் நீளம் வளரக்கூடியது. இதன் வாயின் உட்பகுதி கருமையான நிறத்தில் காணப்படும்.

பெயர்க்காரணம் :- இதற்கு ''கருப்பு மாம்பா'' என்று பெயர் ஏற்பட காரணம் இதன் உடல் நிறத்தை வைத்து அல்ல...இதன் வாயின் உள்பகுதி முழுக்க கருப்பாக இருக்கும் எனவேதான் இதற்கு ''கருப்பு மாம்பா'' என்று பெயர்.



வாழ்க்கை முறை :- பாம்பினங்களிலேயே மிக விரைவாக செல்வது இது ஒன்றுதான். வேகம் மணிக்கு 20 k.M .....இது சுமார் 11 ஆண்டுகள் உயிர் வாழும்.

இனப்பெருக்கம் :- இவைகள் முட்டையிட்டு குஞ்சு பொரிக்கின்றன. அதிகப்படியாக 25 முட்டைகள்வரை இடுகின்றன. பெண் மாம்பாக்களால் அடைகாக்கப்படாமலேயே 3 மாதங்களில் முட்டைகள் பொரிக்கின்றன.

               ஏன் இவைகள் முட்டைகளை அடைகாப்பதில்லை தெரியுமா? ..... வேறொன்றும் இல்லை ....''என் முட்டைனு தெரிஞ்சப்புறமும் ஒருவன் அதுல தைரியமா கைவச்சிருவானா'' என்கிற தைரியம்தான்  ....



உணவு முறை :- இவை பகலில் உணவு தேடுகின்றன. இவைகள் பிற பாம்புகளையும், சிறிய விலங்குகளையும், பறவைகளையும், பறவைகளின் முட்டைகளையும் உணவாக உட்கொள்கின்றன.









விஷத்தன்மை :- இது தீண்டும் போது நச்சுப்பையிலிருந்து 50 மி.கிராமிலிருந்து 100 மி.கிராம் வரை விஷத்தை பீச்சியடிக்கும் வல்லமையுடையது. இது ஒரு தடவை வெளிவிடும் விஷமானது பத்திற்கும் மேற்பட்ட மனிதர்களை கொல்லும் திறன்வாய்ந்தது என்று அறிய முடிகிறது.



                இதன் நஞ்சானது உடலிலுள்ள தசைகள் மற்றும் உடல் உறுப்புகளை செயல் இழக்கச்செய்து மரணத்தை விளைவிக்கும். பிற பாம்புகளின் நஞ்சை விட இதன் நஞ்சு விரைந்து செயல்படக்கூடியது.

               இதன் விஷம் உடலில் செலுத்தப்பட்ட 15 அல்லது 20 நிமிட நேரத்திற்குள் மரணத்தை விளைவிக்கும் என்று அறியமுடிகிறது. எனவே இப்பாம்பு தீண்டியவுடன் காலதாமதம் செய்யாமல் உடனடியாக சிகிச்சை மேற்கொள்ள வேண்டியது அவசியம்.

குறிப்பு :- இந்த பாம்பின் விஷம் மிக குறைந்த அளவில் போதை பொருள்களுடன் சேர்க்கப்படும்போது அதிக போதையை கொடுக்கிறதாம். எனவே இதன் விஷத்தை பயன்படுத்தி போதைப்பொருள் தயாரிக்கப்படுகிறது. இது ஹெராயின் என்னும் போதை பொருளை விட அதிக அளவில் உடலுக்கு தீங்கு விளைவிக்கக் கூடியது.



                இதைப்பயன்படுத்துகின்றவர்கள் விரைவிலேயே மரணத்தை தழுவுகின்றனர் என்பது வேதனையான விஷயம்.

தற்போதைய நிலை :-  இப்பாம்பு தற்போது அழிந்து வரும் நிலையில் இருக்கும் பாம்பினமாகும்.


பச்சை மாம்பா[green mamba]




தாயகம் :- தென்னாப்பிரிக்கா, மொசாம்பிக், தான்சானியா, கென்யா .

உடலமைப்பு :- இது மாம்பா இன பாம்புகளில் மிக சிறியது. 2 மீட்டர் நீளம் வரை வளரும் இயல்புடையது.



               இது பார்ப்பதற்கு பச்சை நிறத்தில் இருக்கும்...உடனே நம்ம ஊரு பச்சை பாம்புன்னு நெனெச்சு ''சாம்பார் நல்லா இருக்கணும்''னு சொல்லி உருவ ஆரம்பிச்சிடாதீங்க ....நெனப்புதான் பொழைப்ப கெடுக்கும்னு சொல்லுவாங்க ....உடம்பு முழுக்க அம்புட்டும் விஷம்....அப்புறம் உங்களுக்கு பால் ஊத்தும்படி ஆகிடும்.....

வாழிடம் :- பெரும்பாலும் மரத்தில் வாழும். பகலில் இரை தேடும்.


 உணவுமுறை :- சிறிய வகை பாலூட்டிகள், பறவைகள், பறவைகளின் முட்டைகள் இவைகளை உணவாக உட்கொள்கின்றன.



விஷத்தின் தன்மை :- கொடிய விஷமுள்ளவை. சந்தேகமா இருந்தா தொட்டு பார்த்துக்கோங்க ....


               இந்த பதிவு எழுதுனதில இருந்து  பயத்துல உடம்பு முழுக்க ஒதறல் எடுத்துக்கிட்டே இருக்கு ...திருநீறு போட்டு மந்திரிக்க போய்ட்டு இருக்கேன்.... வரட்டுமா....பை ...

குறிப்பு :- இந்த மாம்பா பாம்பு நம் நாட்டில் உள்ளதா என்றால் பெரும்பாலும் இல்லையென்றே சொல்லவேண்டும்.

               ஆனால், இதன் வம்சாவளியை சேர்ந்த மற்றொரு பாம்பினம் நம்மிடத்தில் ஆதிக்கம் செலுத்துகிறது. மாம்பாவை விட ஐந்து மடங்கு அதிக விஷத்தன்மை கொண்டது. அதைப்பற்றி அறிந்து கொள்ள >> இங்க கிளிக்குங்க <<
 💥💥💥💥💥💥💥💥💥💥

No comments:

Post a Comment

உங்களின் கருத்துக்களை எங்களுடன் பகிருங்கள் . நிர்வாகத்தின் பரிசீலனைக்குப்பின் வெளியிடப்படும்.

Next previous home